2 Chronicles 12
The second Book of Chronicles
܀ ܒ ܕܘܒܪ ܝܘܡ̈ܬܐ ܝܒ ܀
1 - 12 (ܠܝܬ)
13 ܘܶܐܬܥܰܫܰܢ ܪܚܰܒܥܰܡ ܡܰܠܟܳܐ ܒܰܪ ܫܠܶܝܡܽܘܢ ܒܽܐܘܪܺܫܠܶܡ. ܘܰܐܡܠܶܟ ܒܰܪ ܐܰܪܒܥܺܝܢ ܘܰܚܕܳܐ ܫܢܺܝ̈ܢ ܪܚܰܒܥܰܡ ܟܰܕ ܩܳܡ ܒܡܰܠܟܽܘܬܳܐ. ܘܰܫܒܰܬܰܥܶܣܖ̈ܶܐ ܫܢܺܝ̈ܢ ܐܰܡܠܶܟ ܒܽܐܘܪܺܫܠܶܡ. ܩܪܺܝܬܳܐ ܕܰܓܒܳܐ ܠܶܗ ܡܳܪܝܳܐ ܡܶܢ ܟܽܠܗܽܘܢ ܫܰܒ̈ܛܶܐ ܕܺܝܣܪܳܐܶܝܠ. ܠܡܰܫܪܳܝܽܘ ܫܟܺܝܢܬܶܗ ܬܰܡܳܢ. ܘܰܫܡܳܐ ܕܶܐܡܶܗ ܢܰܥܡܳܐ ܕܡܶܢ ܥܰܡܽܘܢ.
14 ܘܰܥܒܰܕ ܕܒܺܝܫ ܩܕܳܡ ܡܳܪܝܳܐ. ܘܠܳܐ ܐܰܬܩܶܢ ܠܶܒܶܗ ܠܕܶܚܠܬܶܗ ܕܡܳܪܝܳܐ. ܠܡܶܒܥܝܳܗ̇ ܒܟܽܠܶܗ ܠܶܒܶܗ.
15 ܘܗܳܠܶܝܢ ܦܶܬܓܳܡܰܘ̈ܗܝ ܕܰܪܚܰܒܥܰܡ ܩܰܕܡܳܝ̈ܶܐ ܘܰܐܚܖ̈ܳܝܶܐ. ܠܡܶܥܒܰܕ ܒܺܝܫܬܳܐ ܩܕܳܡ ܡܳܪܝܳܐ ܐܰܠܳܗܳܐ ܕܺܝܣܪܳܐܶܝܠ. ܘܰܩܪܳܒܳܐ ܗܘܳܐ ܒܶܝܬ ܪܚܰܒܥܰܡ ܒܪܶܗ ܕܰܫܠܶܝܡܽܘܢ. ܘܒܶܝܬ ܝܽܘܪܰܒܥܰܡ ܒܰܪ ܢܳܒܳܛ. ܟܽܠ ܝܰܘ̈ܡܰܝ ܚܰܝܰܘ̈ܗܝ.
16 ܘܰܫܟܶܒ ܪܚܰܒܥܰܡ ܥܰܡ ܐܰܒܳܗ̈ܳܬܶܗ. ܘܶܐܬܩܒܰܪ ܒܰܩܪܺܝܬܳܐ ܕܕܰܘܺܝܕ. ܘܩܳܡ ܒܡܰܠܟܽܘܬܳܐ ܐܰܒܺܝܳܐ ܒܪܶܗ ܒܳܬܪܶܗ.